दमक/माङसेबुङ भ्रमणको क्रममा अमेरिकाबाट आएका किरात धर्मावलम्बीहरुले झापाको दमक बेलडाँगीस्थित किरात माङपोक्लुङ माङहिममा येत् नाम्धुङ लाधुङसेमी सेवा सम्पन्न गरेको छ ।
किरात कम्युनिटी अर्गनाइजेसन अफ अमेरिकाको आयोजनामा लाधुङसेमी सेवा बुधबार सम्पन्न गरिएको हो । यसअघि मंसिर ९ गते झापाको माइधार स्थित दोमुखामा साक्मुरा वदेम्मा सेवा सम्पन्न गरेको थियो ।
सेवा कार्यक्रममा किरात धर्मका तुम माङसेवासाबा मनप्रसाद थलङ (तेजबहादुर) को समेत उपस्थिति रहेको थियो । सेवा पश्चात सो माङहिममा किरात धार्मिक प्रशिक्षणको आयोजना समेत गरिएको थियो ।
