माङसेबुङ/किरात धर्मगुरू मुहिङगुम अङसीमाङ लिङदेन आत्मानन्द सेइङको ६९ औँ जन्मोत्सव तथा मुहिङगुम अङसीमामाङ साँबा पवित्रहाङमा लिङदेन नुमाङगेन्नामा माङसेबुङ गाउँपालिकाले सार्वजनिक विदा घोषणा गरेको छ ।
गाउँपालिका अध्यक्ष हेमन्त राईले सूचना जारी गरेर अङसीमाङको जन्मदिन मंसिर १८ गतेलाई पालिकास्तरमा सार्वजनिक बिदा दिइएको जानकारी दिएका हुन् ।
किरात धर्मावलम्बीहरुको आस्थाको केन्द्र पवित्र धार्मिक तीर्थस्थल माङसेबुङ ५ को लारुम्बामा मंसिर १८ र १९ गते वर्षेनी अङसीमाङको जन्मोत्सव विशेष धार्मिक समारोहबीच मनाईन्छ ।
अङसीमाङको जन्मोत्सवमा नेपाल लगायत भारतको दार्जिलिङ, सिक्किा, आसाम, भूटान, बर्मा, हङकङ, बेलायत, अमेरिका लगायत स्वदेश तथा विदेशबाट तीर्थालु भक्तजनहरुको बाक्लो उपस्थिति रहने गर्दछ ।
