माङसेबुङ/किरात साम्यो नालिफुङ्वा मुजोत्लुङ पान्जुम्भोको २२ औ स्थापना दिवस कार्यक्रम मनाएको छ ।
इलामको माङसेबुङमा अवस्थित किरात चोत्लुङ मुहिङ्गुम अङ्सी माङगेन्ना सेवा समितिको कार्यालयमा बिहीवार शुभकामना आदानप्रदान तथा अन्तरक्रिया गरेर नालिफुङ्वा पान्जुम्भोको २२ औ स्थापना दिवस मनाएको हो ।
मुजोत्लुङ पान्जुम्भोका पदाधिकारी र सदस्यहरु र माङ्सेबुङ पान्जुम्भोका पदाधिकारी र सदस्यहरुको उपस्थितिमा सम्पन्न कार्यक्रममा आत्मा पवित्र हक्चात यक्चुमका अध्यक्ष मनकुमार आङबुहाङको समेत उपस्थिति रहेको पान्जुम्भोको सहसचिव चन्द्रमाया केरुङ लिम्बुले बताईन ।
पान्जुम्भोका अध्यक्ष पृथिमान खालिङ राइको अध्यक्षतामा सम्पन्न कार्यक्रमलाई कार्यवाहक सचिव लोकेन्द्र कार्कीले कार्यक्रम सञ्चालन गरेका थिए ।
किरात धर्म सम्बद्ध युवाहरुको गौरवशाली साझा संगठन किरात साम्यो नालिफुङ्वा पान्जुम्भोको वि.स. २०५८ साल साउन १९ गते स्थापना भएको थियो ।
